😢😢 เรื่องเศร้าจาก กกตาลคู่ 😢😢

😢😢 เรื่องเศร้าจาก กกตาลคู่ 😢😢

ปู่ตาลคู่ "มื้อนี้เป็นจั่งได๋แหน่ หล้ารถบัส"

รถบัส " กะเรื่อยๆ ปู่บ่ค่อยมีคน บ่คือตอนเป็นบ่าว ทางหินแห่ ฝุ่นไหง่ง่อง แต่คนขี่หลายหม่วนกว่านี้"

ปู่ตาลคู่ "มันกะเปลี่ยนแปลงไปตามกาลเวลา หลานเอ้ย สมัยก่อนทางดิน ดนๆ จั่งสิมีคนหย่างกายมา ตอนมีเกวียน คนกะพอมีผ่านไปมาเป็นหมู่แหน่ ตอนเจ้ามายุคแรกๆ ถือว่าคนขี่หลายอีหลี เต็มฮอดหลังคา เทิงฝุ่น เทิงฮ้อน สมัยนี้เขามีรถส่วนโต แอร์เย็นโซยๆ ขับ กายไปกายมาหลายแฮง สมัยนี้มันยุคพัฒนา "

รถบัส "หลานกะบ่ฮุ้สิอยู่อีกดนปานได๋ ได้ข่าวว่าเส้นทางอื่นเขา ได้พักผ่อนกันหมดแล้ว มีรถตู้มาแหล่นแทน"

ปู่ตาลคู่ "ปู่กะใกล้ถึงเวลาสิได้พักผ่อนแล้วล่ะ คือสิอีกบ่ดน เดินทางปลอดภัย โชคดีเด้อหลาน เผื่อคราวหน้าผ่านมาอาจสิบ่ได้พ้อกัน"

รถบัส "พอเป็นทางดีดีสี่เลนตลอด แล้ว บ่ฮู้หลานจะมีวาสนาได้มาแหล่นนำเขาบ่ วาสนารถฮ้าง สมแต่ทางลูกรังเก่าๆ ปู่เอ้ย ...โชคดี เด้อปู่ "..